Dakizuen bezala, 2024. urtearen amaierako batzarrean, urrats garrantzitsua eman genuen gure PARAPENTEAren praktikan segurtasun-maila igotzeko, RFAEren Parapentearen Araudi Orokor berriari atxiki ginenean. Bide horretan, eta APPIren eskutik, ekainean Donostian eta Bilbon arrakasta izan zuten Segurtasun Clinicak bultzatu ditugu.
APPI Segurtasun Ziurtagiria Lortzeko Gida
Clinic-era joan zineten guztientzat eta oraindik joateko aukera duzuenontzat, zuen ziurtagiria lortzeko prozesua zehatz-mehatz azaltzen dizuegu:
- Segurtasun Clinic batetara joatea: Ekainean ezin izan bazenuen joan, ez kezkatu. Aukera berri bat izango duzu Nafarroako Federazioak (FNDA) azaroaren amaieran antolatuko duen Segurtasun Clinic-era joateko.
- APPIren webgunean izena ematea: Sartu bere online plataforman eta osatu zure profil pertsonala, datu guztiekin.
- Workshop-ean izena ematea: Behin izena emanda, ziurtagiri prozesuan izena eman beharko duzu, workshop izenekoan.
- Zure dokumentazioa erantsi: Igo pilotu-tituluaren kopia bat.
- Segurtasun protokoloa: Idatzi eta erantsi BESAFE prozeduran oinarritutako protokolo pertsonal bat. Funtsezko urratsa da segurtasun kontzeptuak barneratzeko.
- Zure hegaldiak igo: Erabili plataformako flightlog-a egindako hegaldiak erregistratzeko, igotzeko.
- APPI autoebaluazioak (aukerakoa, baina gomendagarria): Nahiz eta derrigorrezko urratsa ez izan, biziki gomendatzen dizugu eskuragarri dauden autoebaluazioak egitea. Zure ezagutzak berrikusteko eta finkatzeko modu bikaina baita.
Lotura honetan [PDF] pausoz pauso ARGIBIDE ZEHATZAK jarraitu ahal izango dituzu.
GARRANTZITSUA: Ziurtagiri hau jaulki/lortu nahi duenak 23 euroko ordainketa egin beharko du APPI plataforman bertan. Ondoren, plataformara, prestakuntza-planetara eta etorkizuneko ziurtagirietara sartzen jarraitu nahi bazenu, urteko kuota 27 eurotakoa da.
Prozesu honek gure kolektibo osoan segurtasun-maila handiagoa lortzen lagunduko duela espero dugu.